作者：飛叔
近期好多朋友見到我
第一句都係：
「點解你瘦咗咁多？」
其實連我自己都感覺到
原本已經好瘦
最近更加瘦到好似紙牌人咁
主要原因係一個月前
突然決定搬屋
於是過去一個月
一邊工作
一邊不停睇樓、搬嘢、執屋
所有事都一個人處理
最忙嘅時候
連食飯嘅時間都冇
身體攰
個人變得焦慮
直到今個星期
終於叫做安定落嚟
先真正鬆一口氣
面對壓力
我反而更加慶幸
自己一直有冥想嘅習慣
再加上之前學過嘅
自我催眠同靈氣
令我喺混亂之中
慢慢平復返落嚟
我發現
冥想唔係逼自己「唔好諗嘢」
而係就算思緒好亂
都學習同自己共處
原來有時
唔控制一切
事情都可以慢慢過去
而且仲好順利
而家搬屋大致完成
下一個我最重要嘅任務
係重新照顧好自己
好好食飯
好好休息
慢慢養返個人
遲啲再同大家分享
我嘅村屋生活
到時你定會見到
一個更強壯、更平靜嘅飛叔
作者平台:
Facebook專頁: 飛叔 Kelvin
Instagram: kelvinyfl
YouTube: 飛叔Kelvin Leung
